心動 不如 行動

過年前開了上證及深證股票戶口，而本人會把香港券商投資部份一半資金轉換成人民幣.

早幾日見得閑去中銀香港銀行問一下匯錢返大陸母公司中國銀行收費多少,最多一次8萬人仔收你2百蚊(好過去搶=.='')

見今日放假再去問店面找換店收費如何,一萬蚊數以上匯入不收費,一萬以下收30蚊
咁就系荃灣mtr出面搵間比例大間找換店對換人仔之後順便匯返入中國銀行戶口,店員話2小時內會收到匯錢,之後行左一個鐘街去m記食午飯,之後用手機上網查一查匯款有冇收到,比店員所講2小時快左一半有多,果然做到野呀~效率快.

之後用中國網上銀行把錢轉入  中國銀行第三方託管處(券商+客戶+銀行託管方式),系3點前大陸未收市前張錢匯入去.

系打後日子張錢都整合好時~就會出擊買入心水的一隻股票 :建設銀行 (SH:601939) ￥3.95

52周最高：4.96
52周最低：3.80	总股本：2500.11亿	总市值：9875.43亿	市盈率LYR/TTM：5.11/4.67
每股收益：0.71	每股净资产：4.17	流通股本：95.94亿	市净率：0.95

比香港H股更低買,仲有打後日子持有一年以上稅收可減少 人民幣升值因數(當

然也會貶值)而本人長線睇10年以上升多過貶值.

初步估算如建行今年10派2.85(含稅) 約有7厘人仔息 (如轉香港普遍計算系
1000千股是0.285)  (因大陸股市最低消息100股起)

咁就可以比起系大陸做五年期定期人仔(4.75厘)  高出2.25%左右 以及股票
買賣方便0活

張股票當成買入7厘債券咁收藏,都不為過, 當然唔少得定期跟蹤建行情形及業績


近來心態有點改變,總是把自己腦海所想用行動實現出來,正如好多人講,唔試過點知可唔可行或成功.
讀萬卷書.不如行萬里路      在書本吸收資識也要懂得運用出來才有用,就算失敗也算磨練一種

希望大家投資進步,資識增加 早日財務自由  
 共勉之