2013年最後一天來個小小年結

今日系2013年最後既一日，到目前為止開始學投資差唔多二年，而今年先系真真正正了解投資系咩野黎，點樣投資。

記得第一次買股票系2007年，當時第一隻入白表抽，410(soho中國),果時股票市場系新上市股票都好大機會賺錢，我記得買左410之後放左系銀行冇理佢，放左係銀行3年有多。而到2012年先再留意股票市場，把410賣左，輸二千幾蚊，在2011年果時真系佬散心態，買賣幾次都系輸錢，但都系輸好少，侮隻幾千幾千咁，當時唔知好彩定狗屎運，用倒後鏡睇返，自己真系好好彩，(雨潤21蚊，周大福19蚊，超大現代等)到後來停左一年冇玩，之後轉左工作，好得閑，無聊之下在手機下載投資書睇，看了至少數十本書，從而增加了投資理財知識。

之後再慢慢知道投資系點樣，接近12年12月又開始買股票，而投資都有少賺，但都系投機心態，不太懂從書本中來看的東西運用出來，後來都一直有看書以及睇大家網誌從中吸收投資知識。到現時為止覺得自己轉变好大。

1.學會了複利
2.學會了價值做投資.長或短看價值出發，高估或低估
3.寫一些網誌給自己做個記錄。
4.做一些簡單評估公司
5.看公司年報

2014年給自己目標，修練耐性，從多方面思考出發，學會在時間中等待好的機會。

當然仲有一個目標是資產慢慢增加，快高長大。


另外2014年有個特別想法，要在中國開一個A股股票戶口，把部份資金轉人仔買股票，因本人發現自己所買股票當中大部份是中國股票，何不利用A股戶口做投資賺取人民幣以及減少中國政府税收，沒有記錯，香港買同樣中國股票收10%利息税而在中國戶口買持貨一年以上只收5%利息税，以及賺取人民幣利息以及匯率。小數怕長計，對於複利計算到後期差別會非常大。 

到最後祝大家新年快樂，資產步步高升，理財日增進步。