事前一早跟相關大陸經紀人用QQ聯絡好，問好曬相關情況以及自己系網路上做左工課。
今天9點出發去羅湖，之後同經紀人約好系深圳地鐵國貿A出口等，見到經紀人後先知原來佢系廣東人，識講白話，睇個樣約30歲左右。
之後就去了附近的派出所跟認可的酒店開一張暫住證明文件(經紀人事前打點好問過寫張證明100人仔，仲要經紀人幫我比左，應該系開公數 ^_^) 去到寫張證明唔駛二 分鐘，本人八掛問酒店台面服務員，多唔多人黎開暫住證明，佢話成日都有。開完暫住證就去格離間派出所打個印，佢張d資料入電腦，等左五分鐘左右就離開。
之後同經紀人坐地鐵返佢公司宏源證券行，之後佢比資料我填及教我填，在公司留左一個鐘時間，開左上證跟深證以及創業板戶口以及安裝app及開通網上戶口及教我一般使用方法。(佢公司有wifi) 在佢公司都有十幾條友坐系電腦度，開始仲以為好似香港證券行有股民上去對住電腦玩股票，細問之下， 原來系員工，仲有一間房有私務客戶租用系度炒股。
然後再出發去樓下對面間中國銀行開返個戶口及網上銀行，以及拌定證券行過錢匯錢 (細問之下，原來證券行一定要拌定銀行戶口資金，而令證券行不能隨便動用客戶資金，因以前大陸有券商試過亂動用客戶資金，後來東窗事發後，就改变資金一定要拌定銀行駛用託管方式，免被亂動用) 這樣免卻了我之前所擔心問題，怕資金會被券商不法利用。
而系銀行花的時間最長，差不多二小時，因要開通戶口，網上戶口，券商對接戶口以及排隊。前後四小時左右都把東西ok。
跟住同經紀人吃個飯，仲要同我搶住比錢。 行程中經紀人一時時睇股票行程，仲比我睇自己買的股票升到停板(中國有升跌10%停板機制)，睇佢個開心心情，仲請食飯。之後本人就坐地鐵返羅湖過關返香港。 總結同經紀人對話，中國股市散戶都不喜歡收息，大藍酬等。細問之下，佢地好多理財產品及信託都有十厘回報以上。所以中國股民都不會買股收息的做法，例如我計算過以中國銀行a股股息有近7厘都冇人買。如果侮年都穩拿10%回報加上複利持續30年以上，回報可說非常可觀。 在行程中，跟他溝通，想像出他都是比較追行程以及炒波段，但可惜都不是我杯荼，對於我做價值的投資來說睇到中國市場一般要在市面上尋找10%投資回報也不算太難，因中國是發展階段，公司對資金是非常渴求，但風險也相對比較高。但對比起香港及其他已發展好國家可以投資的選擇取得高少少回報的是比較難。 現階段先投資在香港有上市的同類形A股股票。自己也相對於比較了解。
本人把所需要證件及相關物品例出:
1.香港身份證
2.回鄉卡
3. 2吋彩色相片
4.出關前買張大陸電話卡，開銀行及地址時要駛用到
5.一部智能手機，在證券行安裝app試用
6.對換d人民幣，開銀行戶口用，（記得在銀行開戶口簿，ATM卡同網上理財）
券商名（宏源證券）上網查過資料，國內第一間券商，也可以自行上網安裝app試用。
以上介紹只是提供參考，不是作推廣用途。
